Le Direct

Coronavirus : deux nouveaux décès à Ajaccio, 10 cas supplémentaires à l'hôpital d'Ajaccio

Eccu i statistichi di marti dati da l’ARS pà u coronavirus.

In i spidala, da u principiu lla crisa, 354 parsoni sò stati virificati pusitivi. 267 in Pumonti, vali à dì deci di più chè arimani, è 77 in Cismonti, chì casi novi ùn ni conta.

Dapoi u 23 di marzu, i lavuratorii ani trovu 153 casi pusitivi par 1932 parsoni virificati. Aghjustendu i dui sciffri, a Corsica conta 507 parsoni virificati pusitivi à u covid19.

89 parsoni sò uspitalizati. 74 sò in Aiacciu, è 21 di quissi sò in rianimazioni. 15 sò in Bastia, è frà quissi 2 sò in rianimazioni.

In vinti quattr’ori, si ni sò morti dinò dui parsoni, in Aiacciu, à u spidali : un omu di 77 anni è una donna di 88 anni. Da u principiu lla crisa, si ni sò morti 39 parsoni, 34 in i spidala è 5 in l’EHPAD.

Cinqui EHPAD di Corsica ani cuntabilizatu 33 casi suspetti o cunfirmati.