Le Direct

Coronavirus : des experts de 31 pays exhortent fumeurs et cigarettiers à arrêter la consommation et la vente de tabac

Un associu di lutta contru à i malatii di i pulmona n’hà chjamatu luni à quiddi chì fumani, da ch’iddi lachini corra u tabaccu. Hà ancu dumandatu l’associu à i fabricanti d’ùn venda più i so prudutta, da riducia i risichi liati à u coronavirus.

U duttori Gan Quan, spicialistu lla saluta publica è dirittori di l’Unioni Internaziunali contru à a tisia è i malatii di i pulmona, dici chì u meddu ch’iddi poschini fà l’industrii llu tabaccu, da luttà contru à u coronavirus, saria di fà la finita subbitu cù a pruduzzioni, a cumiricialisazioni è a vendita llu tabaccu.

A so urganisazioni, chì s’accoddi i riprisintenti di 31 paesa, s’inchieta di i cunsiquenzi di u siscu pà i fumadori in issi tempa di pandemia, masimu chì fumendu, s’indibbulisci u sistema imunitariu. À senta ni sempri à iss’urganisazioni, cresci tandu, è bè, u risicu di murtalità in casu di cuntaminazioni.