Coronavirus : décès d'un nonagénaire, 4 cas supplémentaires en Corse
Eccu u bilanciu di l’epidemia di u Covid 19, prisintatu da l’ARS.
Sò ad oghji 287 parsoni à essa tocchi da u siscu.
Una crescita misurata, cù quattru casi novi in 24 ori : unu in Cismonti – sò oramai 68 – è trè in Pumonti, ind’iddi sò 219 i parsoni tocchi.
U Pumonti passa da 91 parsoni uspitalizati à 89 : 21 sò in rianimazioni o in midicatura intinsiva.
In Cismonti, si passa da 7 à 10 parsoni uspitalizati, cù una parsona in rianimazioni o midicatura intinsiva.
Par disgrazia, un omu di 92 anni, ch’era à u spidali in Aiacciu, si n’hè mortu.
Sò dunqua oghji 23 i parsoni chì sò stati vinti da u siscu.