Le Direct

Coronavirus : Comment s'organise le système de santé à Aiacciu

S’urganizighjani i sirvizia di cura in Aiacciu. U spidali lla Misericordia è Clinisud si spartini i missioni, da culandi bè à una sola cullaburazioni trà publicu è privatu.

I dui stabilimenti viaghjani à paghju, da classificà i facendi è i presi in carica, è da gistì pà u meddu issa crisa sanitaria, ma ancu l’altri patulugii.

Dici u duttori Jean Canarelli, u prisidenti di l’Ordini in Pumonti, ch’issa sinergia hè di primura pà i malati quant’è pà i parsunala di cura, chì t’ani à veru bisognu llu sustegnu lla pupulazioni.

U cunfinamentu è u rispettu di i misuri igienichi di prutizzioni sò un elementu maestru in a lutta contru à u Covid 19. Ùn vali à sciaccamanà in balconu ugni sera da unurà issi parsunala, s’iddu si viaghja spinsiratu fora dopu, mittindu li in piriculu è mittindu in piriculu i pupulazioni, accuddindu si in parichji senza una anghjicula di ghjudiziu.

Stemu à senta à Jean Canarelli.