Coronavirus : cinq nouveaux décès en Corse, stabilisation confirmée du nombre de cas en milieu hospitalier
Eccu i statistichi cumunicati luni da l’ARS pà u coronavirus. Par ciò chì tocca à i casi novi, ci hè una certa stabilità chì porta calchì spiranza. Eppuri, morti quant’è iss’ultimu ghjornu ùn ci n’hè statu.
Da quand’idd’hè cumencia a crisa, 344 parsoni sò stati virificati pusitivi da i spidala : 267 in Pumonti è 77 in Cismonti. Casi novi ùn ci n’hè statu.
À parta si da u 23 di marzu, 144 parsoni sò stati virificati pusitivi da i lavuratorii, par 1760 parsoni cuntrullati.
Aghjustendu i dui misuri, sò 488 ad oghji, i casi in Corsica.
92 parsoni sò uspitalizati. 76 sò in Aiacciu, è 22 di quissi sò in rianimazioni.
16 sò in Bastia, è 2 di quissi sò in rianimazioni.
In vinti quattru ori, sò morti cinqui parsoni in più. Trè omini di 76, 86 è 89 anni sò morti à u spidali in Aiacciu, un omu di 76 anni à u spidali in Bastia, è un’altra parsona hè morta in un EHPAD.
Da quand’idd’hè cumencia issa crisa, 37 parsoni sò morti in Corsica : 32 in i spidala è 5 in l’EHPAD.
In cinqui di issi EHPAD, 32 parsoni sò cuntati, da casi cunfirmati o pussibuli.
Sur le même sujet
