Contentieux avec la Corsica Ferries: le TA de Bastia condamne la CTC à payer 84 millions d'euros
(A redazzioni d'Alta Frequenza) - U tribunali amministrativu di Bastia hà cundannatu cù dui dicisioni ssu ghjovi a Cullittività tarrituriali di Corsica à pagà à a Corsica Ferries più d'84,3 millioni d'auri eppo più di 369 500 auri in u quadru di i dilegazioni di sirviziu publicu trà a Corsica è u cuntinenti pà i tempi 2007-2013 è 2014-2023. A prima cundanna currispondi, faci sapè u TA, à u preghjudiziu pà a cumpagnia à i battelli gialli inghjinnatu a spluttazioni di u sirviziu cumplementariu in u quadru di a DSP marittima 2007-2013, chì hè stata ricunnisciuta com'è micca legali di manera difinitiva da un arrestu di u 6 d'aprili scorsu di a Corti amministrativa di Marseghja. L'aiutu di Statu avia parmissu a spluttazioni di dui car ferries SNCM mentri i tempi forti di a staghjoni, in cuncurrenza micca legali cù i ligni spluttati da a Corsica Ferries. Cuncirnendu a siconda cundanna, si tratta di un'indennisazioni di i spesi vani di a Corsica Ferries pà a prisintazioni di a so ufferta in u quadru di a DSP 2014-2023.
