Le Direct

Constat d'huissier et contrôle d'identité des élèves : les enseignants du Fesch dénoncent l'action des parents FCPE

Photo d'illustration

I insignanti llu liceu Fesch d’Aiacciu sò stati accolti sta mani da un usceri, ghjuntu à fà un custatu, à a dumanda lli parenti d’elevi lla FCPE, parvia di i blucchimi d’issi pochi ghjorna, è à fini di virificà s’idd’erani prisenti supr’à locu, i insignanti.

Issi insignanti, chì ani accumpagnatu i liceani mentri issa mubilisazioni contru à a inghjustizia, dicini chì affari cumpagni ùn si ni pò accittà.

Dicini i prufissori chì manipulazioni ùn ci n’hè statu, nè mancu pruselittismu : hè stata sola una vulintà di pruteghja issi ghjovani, quandu i forzi ditti di l’ordini sò ghjunti à pittughjà li. Mancu ùn la capiscini tandu, l’azzioni d’iss’associu di parenti. Masimu in issi tempa di dolu induva quantunca, un pocu di rispettu ci saria vulsutu.

I prufissori si sò ditti stumacati à veru da iss’atti, purtati da a FCPE contru à elevi ingagiati in a vita lla cità : certi d’issi parenti ani ancu dumandatu à elevi minori i so ducumenti d’identità.

Iss’azzioni di a FCPE, d’altrondi, si hè fatta unicamenti contru à i insignanti di u Fesch, chì si quistiunighjani à nantu à u parchì è u comu di i mutivazioni d’iss’associu.
Steti à senta à Pascal Santoni, insignanti à u liceu Fesch.