Conséquences du passage du nuage de Tchernobyl en Corse: Paul Giacobbi contre-attaque
(A redazzioni d'Alta Frequenza) - Ultima riunioni di a staghjoni pà l'Assemblea di Corsica nanzi à l'arretta di a statina. Nanzi à u dibattitu eri dopu meziornu (ghjovi) nant'à u raportu chì tocca u prughjettu d'accunciamentu di u fondu di a cala d'Aiacciu, è mentri chì u studiu di u ducumentu nant'à l'evuluzioni istituziunali di a Corsica hè statu rimandatu à a riintrata, cunsighjeri esecutivi è tarrituriali si sò ritrovi pà i quistioni urali. Un tema trattatu par asempiu, quillu impurtantissimu di l'inchiesta epidemiologica nant'à i cunsiquenzi di a catastrofa di Tchernobyl in Corsica. Dopu a dumanda à u guvernu posta da Paul Giacobbi, è a risposta di Marisol Touraine chì ùn hà micca cunvintu, Fabienne Giovannini vulia chì parechji dimarchji sighini intrapresi, pà fà cunnoscia à u publicu i cunclusioni di ss'inchiesta, rializata da scentifichi taliani, à u nivellu naziunali. Paul Giacobbi ùn hà micca rispotu ad ognu puntu à a quistioni di l'eletta Femu A Corsica. U presidenti di u cunsighju esecutivu hè vultatu nant'à una "manipulazioni di i dati ufficiali" à i primi ori di a catastrofa. Ma Paul Giacobbi, hè statu dinò assai surpresu da a risposta di a ministra di a saluta è di l'INVS. È di dinunzià u fattu chì in Francia si mittia "tantu tempu à ricunnoscia a verità", ciò chì, à parè soiu, pudaria pà a Corsica cunfinà "à u disprezzu". In quantu ch'è diputatu, Paul Giacobbi darà una pruposta di risuluzioni pà indennizà i vittimi.
On l’écoute.
