Conseil municipal de Bastia : François Tatti dénonce la tentative d'enfumage de la majorité et l'influence de Femu a Corsica
(A ridazzioni d'Alta Frequenza) - Quattordici mesa innanzi à l’alizzioni municipali, l’affari sò in francesu in Bastia, è si hè pussutu veda mentri u cunsigliu municipali di marti, chì duvia trattà l’uriintazioni bughjittari. U rimprovaru maiori di l’uppusizioni municipali hè quidda d’una crescita maiori lla carica lli misati, 4 % di più chè annu, mentri chì longu à a campagna s’era prumissu d’ùn francà 1,5 %. L’uppusizioni, fendu à so manera, conta una criazioni di 98 impiechi. A maiurità ni conta 46. L’eletti si sò imparullati è bè quandì u merri, Pierre Savelli, chì si lagnaia di a lascita di l’anziana maiurità, hà mintuvatu i castichi maiori llu cimiteriu di l’Ondina, piddendu si ni dirittamenti à François Tatti, è dindu li parichji volti in cinqui minuti : « vargugna à vo’ ». Ind’è François Tatti, sò mischiati surpresa è collara, dopu à iss’intoppu in parolli. À senta lu, piddendu si ni à iddu à u sughjettu llu cimiteriu di l’Ondina, u merri di Bastia voli mascarà una virità : a crescita maiori lla carica lli misati. Dici ch’idd’hè indignu di a so funzioni, u merri di Bastia. Si dumanda ancu s’idd’ùn hà persu a so capacità a dicida da par iddu : in sutt’intesu, François Tatti vurria fà senta ch’idd’hè l’esecutivu di Femu a Corsica chì hè à u cumandu.
U stemu à senta.
Sur le même sujet
