Le Direct

Conseil municipal à Bastia sur fond de guerre des masques et de doutes sur la gestion de crise du COVID-19

In Bastia, erani mascarati i visi, ma micca i quistioni, pà issu primu cunsigliu municipali dipoi u principiu lla crisa sanitaria.

Cù ciò ch’iddu si pò chjamà oramai «a guerra lli mascari», si sò imparullati à tadda canedda u merri di Bastia è u prisidenti lla CAB : François Tatti rimpruvarighja à Pierre Savelli d'ùn avè distribuitu i mascari cummandati da l’intercumunalità, mentri chì l'altri cumuni l’ani fatta. Pierre Savelli ghjustifichighja u fattu cù a mancanza d’una fiscia tecnica pà issi matiriala.

Attaccatu da un’uppusizioni unanima, par essa si ni statu stantaratu è di poca azzioni mentri issa crisa, Pierre Savelli si hè impignatu à sbuciardà issi rimprovari. U merri di Bastia hà spiicatu una di i misuri vutati issu marti : l’esunarazioni d’accupazioni llu duminiu publicu pà i caffè è i risturanti. À issi cumerci, ghjunta l’ora lla riapartura, li sarà ancu cuncessu di pudè allargà a so tarrazza.

Stemu à senta à Pierre Savelli, u merri di Bastia.

Cacciata a « pulemica mascaraghja », François Tatti hà lintatu una critica glubali lla gistioni lla crisa, masimu par ciò chì tocca à issa dicisioni di lacà chjusu u marcatu di Bastia, sinu à a duminicata scursa.

Steti à senta à François Tatti.