Conseil constitutionnel: "une décision inique et une erreur de droit", selon Paul-Marie Bartoli
(A redazzioni d'Alta Frequenza) - Paul Marie Bartoli hè sempri u merri di Prupià, sempri membru di l'Esecutivu di Corsica è soprattuttu sempri presidenti di l'uffiziu di i trasporti! À l'uccasioni di una cunfarenza di stampa data stamani (vennari), u merri di a cità di u Valincu hà cundannatu cù forza una dicisioni "assai inghjusta è un errori di dirittu di u Cunsighju custituziunali". Sicondu ellu, i raghjoni chì ani purtatu à micca validà a so alizzioni pà l'ultimi legislativi par via di conti di campagna micca sinceri trapassani assai i simplici cunsiderazioni di pulitica lucali. Issi conti, chì sò stati prisintati stamani fin'è l'ultimu centimu, ani ghjuvatu di scusa à una pricisioni ghjuridica strema nant'à a quali si sò appughjati militanti, hè a so parolli, chì si sò urganizati contr'à ellu. Paul Marie Bartoli stima chì ùn hè micca tutalmenti l'azardu s'è oghji, ind'u cuntestu propriu pessimu ind'u settori maritimi omu hà vulsutu eliminà un partenariu chì diranghja troppu oramai.
Ecoutez Paul-Marie Bartoli.
Sur le même sujet
