Congrès des sapeurs-pompiers 2017: un don de 100 000 euros proposé par Laurent Marcangeli et Charly Voglimacci pour les hôpitaux d'Aiacciu
Photo : Secoursmag
Mentri u 124esimu cungressu naziunali di i spinghjifoca, chì s’era fattu in Aiacciu in u 2017, l’associu « Ajaccio 2017- Aiacciu 2017 » avia fattu da 150 à 180 000 € di binifiziu.
Dicini i statuti di l’associu ch’issi solda devini essa spartuti trà l’Unioni Dipartimintali di i Spinghjifoca llu Pumonti (51%), l’Urfaneddi di i Spinghjifoca (9%) è l’associ caritativi (40%).
In un currieri mandatu issa sittimana à i membri llu cumitatu d’urganisazioni, Laurent Marcangeli è Charly Voglimacci, i prisidenti d’onori di l’associu, ani prupostu di mudificà in urgenza issi statuti, da ch’iddi sichini dati 70 % - vali à dì 100 000€ - d’issi binifizia, à titulu accizziunali, à i spidala di a Misericordia è di u Castillucciu. I 30 % chì fermani sariani spartuti trà l’urfaneddi è i spinghjifoca llu Pumonti.
