Conflit à la Méridionale : chjami è rispondi entre le STC de Corsica Linea et le reste du syndicat
Sò uni pochi di ghjorna ad avali, hè affaccata una discordia trà u STC di a « Méridionale », sustinutu da a dirizzioni llu sindicatu, è u STC di a « Corsica Linea ». I dui ùn vidini u cunflittu cù u stessu ochji.
Cusì, sò stati fatti issu marti dui cunfarenzi di stampa.
U STC di a « Corsica Linea » hà missu in causa certi cumbricculi chì u puntani di ditu, via u so capifila Alain Mosconi, da rispunsevuli di u pighjurà d’issu cunflittu. U STC di a « Corsica Linea » dici ch’idda ci hè chivi una vulintà di certi di fà ni u « traditori lla causa ».
Tandu, u so sustegnu à i marinari di a « Méridionale » ùn si farà chè contru à a famidda Lemor, azziunaria lla cumpagnia.
Albert Cammarota, du STC des marins de la Corsica Linea.
U STC, in a so glubalità, si hè mubilizatu à nantu à u portu di Bastia, da sustena i pusizioni lli marinari di a « Méridionale ».
In iss’accolta, c’erani dinò Pierre Savelli, u merri di Bastia, i militanti di Cori in Fronti, è u candidatu à i municipali di Bastia Filippo de Carlo. Si hè dittu chivi ch’idd’era nicissaria di truvà un accordu trà i dui cumpagnii. Jean Brignole, u sicritariu ginirali llu sindicatu, hà lampatu una chjama à l’eletti, da salvà l’impiechi di a « Méridionale ».
Jean Brignole, secrétaire national du STC.
Sur le même sujet
