Le Direct

Conférence sur le traitement des déchets à Bastia : l'œil de Zeru Frazu

(A redazzioni d'Alta Frequenza) - L'auditorium di u museu di Bastia era troppu chjucu calchì ghjornu fà pà cuntena a ghjenti assai numarosa ghjunta pà a cunfarenza di Rossano Ercolini, premiu Nobel di l'Ambienti in u 2013 è presidenti di l'associu Zero Waste Europe. Una cunfarenza nant'à a prublematica difficiuli di i rumenzuli, pinseru numaru unu di a Corsica dipoi parechji mesi, cù l'asempiu di ssu prufissori di i scoli chì hà revuluziunatu a vita di a so cità, Capannori, una cità di 43 000 abitanti, sustinendu a missa in ballu di una pulitica di u senza rumenzuli chì hà parmissu di sminuiscia di 90% a pruduzzioni di rumenzuli di ssa cità di una taglia chì pò essa apparagunata à quilla di Bastia, cù par asempiu una pulitica di spiccu assai attiva. A reta Zeru Frazu, à l'urighjini di ss'evenimentu, ci vedi un veru asempiu à suvità inde ciò chì s'hè fattu in ssa cità taliana. Soprattuttu, Zeru Frazu hè cunfurtata in a so pusizioni cuncirnendu l'inutilità di un incineratori.

Steti à senta à Colette Castagnoli.