Compagnie maritime régionale : le groupe Giacobbi dans une position d'attente et de prudence
(A redazzioni d'Alta Frequenza) - Nulla ind’i mani, nulla ind’i stacchi ! Hè cusì chì Paul Giacobbi hà argumentatu inghjiru à a so pusizioni nant’à u votu cuncirnendu i trasporti marittimi. Ramintemi chì l’Assemblea di Corsica hà aduttatu ghjovi scorsu un raportu nant’à u statu di i riflessioni tucchendu a cumpagnia marittima regiunali. Ramintemi dinò chì u prima testu di u raportu, ssi famosi riflessioni nant’à a cumpagnia regiunali, hè statu mudificatu pà francassi di un votu negativu. 24 voti dunqua, vali à dì tutti voti naziunalisti, ma solu : hè cusì chì a virsioni nova di u raportu hè stata aduttata. Ancu s’elli ci sò stati solu cinqui voti contru, i trè di u Front de Gauche cù François Tatti è Paul Marie Bartoli, sò bè quilli chì ani sceltu di vutà nè à prò nè contru chì avarani parmissu à u testu novu di passà infini. Malgradu u parè sfarenti di ssi dui cunsighjeri, u gruppu Giacobbi hà sceltu una pusizioni d’attesa è di prudenza cù ssa scelta di vutà nè à prò nè contru pà ssu votu impurtanti.
Eccu i raghjoni spiegati da l’anzianu presidenti di l’Esecutivu di Corsica.
Sur le même sujet
