Le Direct

Communauté d'Agglomération de Bastia : Pierre Savelli estime que François Tatti prend en otage les agents de la CAB

(A ridazzioni d'Alta Frequenza) - Ùn era cusì beddu l’embiu, à u cunsigliu cumunitariu lla Cumunità d’Agglumirazioni di Bastia. L’eletti ani avutu à chì fà à fà passà u bughjettu llu 2019. Certi parti, com’è i spesi di parsunali, ùn sò stati vutati chè da u prisidenti François Tatti, u so unicu sustegnu prisenti Françoise Vesperini, è l’eletti di e Ville di Petrabugnu. Tutti l’altri eletti si sò astinuti. Trà quissi, quiddi lla maiurità bastiaccia si sò astinuti à nantu à l’intigralità llu bughjettu. Pà a quistioni lli parsunala, è in prisenza di parichji d’iss’impiicati, l’eletti si sò imparullati bè. Quiddi lla maiurità ani mintuvati ch’iddu c’era troppu CDD : ci sariani 228 cuntratti, stesi da un ghjornu à sei mesa, ciò chì currispundaria à 23 impiechi cumpletti, à senta à Pierre Savelli, u merri di Bastia. Par iddu, si tratta chivi d’una razza di cliintilismu. François Tatti, inveci, dici ch’iddi si ghjustifichighjani issi CDD, chì ci hè bisognu di riurganizà a CAB. Dici ch’intantu ch’iddi sichini cambiati à veru certi posti, è parvia di manchenzi impurtanti in i sirvizia di a raccolta, ci hè vulsutu à fà i cosi à colpu à colpu. Pà Pierre Savelli, u merri di Bastia, François Tatti, cù iss’usi ch’ùn sò chè quiddi lla pulitichedda, si ghjova è prufitta di l’agenti lla CAB.

Stemu lu à senta