Commission incendies de la Chambre des Territoires : inquiétudes des maires partagées par le président de la commission
A cumissioni di l’incendii lla Camara lli Tarritoria hà avutu una riunioni in fin’di sittimana scursa, da fà u puntu di a privinzioni è a lutta contru à u focu. Mentri issa riunioni, sò stati parichji merra à fà senta i so pinsera. S’iddi ci sò oramai i piani da pruteghja a natura, iss’eletti si trovani un pocu presi à u sumbrettu quand’iddu si tratta di pruteghja ghjenti è abitazioni in i paesa. Si sà chì i diputati isulani circani à fà cambià u quadru lighjislativu, ma issi cambiamenta sò longhi à vena, à essa vutati. In tantu, a dicini chjara è netta parichji merra paisani : da pruteghja l’abitanti lli so cumuni, sò pronti à metta si ancu à pena for’di legi, fendu smachjà, s’iddu ci hè bisognu, tarreni di particulari. Louis Pozzo di Borgo, u prisidenti d’issa cumissioni, capisci ch’iddi sichini inchieti i merra di l’internu. I suluzioni ci sò, ma ci volini i mezi, com’iddu a ci spieca.
