Commission d'enquête parlementaire sur l'assassinat d'Yvan Colonna : 29 députés dont Jean-Félix Acquaviva, Laurent Marcangeli ou Sandrine Rousseau en feront partie
A cumissioni d’inchiesta parlamintaria pà l’assassiniu d’Yvan Colonna in prighjoni d’Arles hè stata prisintata à l’assemblea naziunali francesa.
A sittimana ch’entri, sarani eletti u prisidenti è u rapurtadori di a cusì ditta cumissioni.
Cacciati Jean-Félix Acquaviva è Laurent Marcangeli, sò uni pochi i diputata à cunnoscia a quistioni corsa è a quistioni carciarali : i diputati « Renaissance » Sacha Houillé è Sabrina Agresti-Roubache, u diputatu « france Insoumise » Ugo Bernalicis, u diputatu cumunistu Pierre Dharréville o ancu u diputatu « Les Républicains » d’urigina corsa Philippe Juvin.
A cumissioni conta novi diputati di « Renaissance », cinqui di u « Rassemblement National », quattru di « la france Insoumise », trè di u « Modem », dui di u Partitu Sucialistu è di « Les Républicains », unu di « Horizon », unu di u « LIOT », unu di u Partitu Cumunistu è unu di « Europe Ecologie Les Verts ».
Certi diputati, più midiatichi, sò ancu iddi prisenti : Karl Olive, unu di i portaparolla di u gruppu « Renaissance », a diputata eculugista Sandrine Rousseau, è infini Meyer Habib, u diputatu franco israelianu beddu cuntrastatu di « Les Républicains ».
