Le Direct

Colloque sur le photojournalisme à Corte : rencontre avec le directeur du Centre Méditerranéen de la Photographie

(A redazzioni d'Alta Frequenza) - Si riparla di u cullocchiu nant'à u fotoghjurnalisimu à u XXIu seculu, chì si tinarà à a fini di u mesi d'uttrovi in Corti, à l’iniziativa di u CRDP di Corsica, di u Centru Mediterraneu di a Fotograffia è di u CLEMI. À u prugramma di issa 7a edizioni, cunfarenzi, aduniti è attelli animati da reporters fotograffi di rinonima internaziunali, prufessiunali di u fotoghjurnalisimu è spicialisti di l'Educazioni à i media. Dedicatu à l'insignanti, à l'universitarii è à i studienti di l'Accademia di Corsica o ancu aldilà, issu cullocchiu t'hà par scopu d'incuragiscia l'educazioni à a fiura, à traversu azzioni d'animazioni è di furmazioni, pà capiscia dopu a piazza di a fotograffia di stampa ind'i ghjovani. A voghja dinò, cù issu cullocchiu, di ridà appena fiatu à u fotoghjurnalisimu, minacciatu di più in più, l’anni passendu.

Les détails de Marcel Fortini, directeur du Centre Méditerranéen de la Photographie.