Cité des Monts à Bastia : visite de projet mouvementée pour la mairie de Bastia et l'ANRU
Ghjovi, ci hè stata in Bastia a riunioni llu cumitatu di cundutta pà u prughjettu di rinovu di a « Cité des Monts », in Bastia. Gilles Simeoni, u Prisidenti di l’Esecutivu lla Corsica, era prisenti via una visio-cunfarenza. Supr’à locu, era impurtanti a diligazioni : municipalità di Bastia, sirvizia llu statu è riprisintenti di l’ANRU sò andati in u quartieri.
A diligazioni hà avutu un’accolta sapurita, masimu davanti à i bastimenta 32 è 33, chì duvariani essa lampati. Si sò imparullati bè u merri di Bastia, Pierre Savelli, è l’abitanti upposti à issa distruzzioni. Iss’abitanti ani invitatu a diligazioni à visità quattru appartamenta, chì u so statu pari bonu. Certi abitanti dicini ch’iddi sò cunsidarati da « rubbaccia », è ch’iddi ni patini d’essa à mezu à a strada di l’ambizioni di Gilles Simeoni è Pierre Savelli.
Eccu un pezzu d’issi discussioni, certi volti stizzosi, trà u merri di Bastia è l’abitanti.
Pà l’ANRU, sò chjari i cosi : u prughjettu hè avviatu è ùn cambiarà, ancu s’iddu tocca avali à cuntrattualizà lu. L’affari duvaria essa validatu da ugni parti impignata - mirria di Bastia, Cullittività di Corsica è statu - in i mesi ch’entrini.
Stemu à senta à Benoît Zeller, u dirittori uparaziunali di l’ANRU
Sur le même sujet
