Cité Aurore : un mort et six blessés. Opération toujours en cours
(A ridazzioni d'Alta Frequenza) - Cité Aurore in Bastia : l’omu chì hà fattu focu in u quartieri hè sempri intanatu in u casamentu ind’iddu stà. U bilanciu attuali saria d’un mortu è sei ferti. Ci hè un dispusitivu di sicurità impurtanti supr’à locu. A prifittura di Cismonti dici ch’iddi sò stati evacuati u tarrenu di bocci di Lupinu, è chì pà u centru culturali l’Alboru, hè in traccia di fà si. I sirvizii lla pulizza ani chjusu u sittori, da u cimiteriu di Bastia sinu à Montesoru. A prifittura dumanda d’ùn circà à avvicinà si à issi loca. Hè in mità di dopu meziornu chì l’omu hà cuminciatu à fà focu. Certi ferti sò stati presi in carica. Si sò intesi uni pochi di cartucciati ch’hè pocu, ma ùn si ni sà l’urigina. S’aspettani d’altri infurmazioni.
