CG2B : Francois Orlandi élu president au bout de la pulitichella
(A redazzioni d'Alta Frequenza) - Ùn hè micca un episodiu chì farà ingrandà a pulitica corsa chì c'hè statu stamani pà dui mesi di presidenza di u cunsighju generali di Corsica Suprana. Ch'ellu ci sighi vulsutu trè ghjiri pà pudè eleghja à François Orlandi, candidatu di a manca sceltu da Paul Giacobbi cù quindeci voti contr'à ondeci à Jacky Padovani, candidatu dissidenti, ùn hè micca calcosa di straurdinariu. Chì nanzi à ssu terzu ghjiru ci sighi statu un imbrogliu inghjiru à una prucurazioni di Joseph Castelli ghjunta calchì minuta dopu à i dui primi ghjiri induv'ellu ùn ci n'era stata nisun faci piuttostu pinsà à a famosa pulitichella. In fatti, hè u cunsighjeru generali di Venacu, Michel Mezzadri, difensori d'Orlandi, chì t'avia ssa prucurazioni. À ssu mumentu quì, Jacky Padovani hà dittu ch'ellu n'avia una dinò ellu, chì Joseph Castelli, d'appressu à ellu, l'avia dumandatu di ùn ghjuvassini micca. Dopu à una suspensioni di seenza, hè stata presa a dicisioni di validà a prucurazioni Mezzadri, chì ss'ultimu in accordu cù i dui candidati ùn hà micca utilizatu. Nanzi à i dipartimintali chì ani da dà una forma nova à u visu di u cunsighju generali, a manca si ritrova smizata dopu à ss'episodiu degnu di una seria americana.
Steti à senta à François Orlandi, u novu presidenti di u CG2B.
Sur le même sujet
