Le Direct

Centres de sur-tri de Monte et de la CAPA : la ferme opposition de Corsica Libera

Dici Corsica Libara via un cumunicatu chì « iss’ultimi sittimani, si hè turratu à parlà di i rumenzuli, cù l’affari di i centri di trascelta ».

« U mesi scursu, u statu hà datu un avvisu favurevuli à u prughjettu di centru di trascelta à nantu à a cumuna di Monte, purtatu da u Syvadec. In issu mentri, i rispunsevuli lla CAPA diciani chì u so prughjettu di centru di trascelta facia ancu iddu a so strada », spieca u muvimentu naziunalistu.

Corsica Libara s’upponi à issi pessimi prughjetti, ch’in fin’di contu, u so prezzu sprupusitatu, l’ani da pagà a Corsica è i corsi.

Ci hè ancu u pinseri d’un sittori strategicu beddu sinsibuli in mani à intaressi privati, masimu quand’iddu si tratta di gran’gruppi com’è Suez, dighjà annunciatu par purtà u prughjettu di Monte.

Par Corsica Libara, issi centri di trascelta micanizati sò sprupusitati cù i tunnilaghji ch’iddi devini riceva, è ùn sò una suluzioni à a crisa lli rumenzuli, ma sò cuncipiti cù l’idea di fà prufitti maiori ».

Infini, Corsica Libara dici ch’issi pessimi prughjetti facini strada oghji parchì a Cullittività di Corsica ùn li sà fà valè, i so cumpitenzi ».