Centre de tri des déchets de Monte : le conseil exécutif de Corse en accord avec le feu vert du préfet de Corse
Amaury de Saint-Quentin, u prifettu lla Corsica, hà validatu à tempu, in principiu di sittimana, u pianu tarrituriali di gistimentu lli rumenzuli vutatu d’aprili à l’assemblea lla Corsica è u prughjettu di centru di trascelta di Monte.
Pà u cunsigliu esecutivu lla Corsica, « l’avvisu favurevuli di u prifettu dà cunfirma ch’iddu hè issu ducumentu un passu maiori, validatu dinò à l’unanimità da a Cumissioni Cunsultativa di Valutazioni è d’Accumpagnamentu llu Pianu. U prughjettu di pianu devi essa avali suttimissu à a inchiesta publica, innanzi di vultà davanti à l’assemblea di Corsica, par essa missu in dibattitu è essa validatu difinitivamenti pà u primu simestru llu 2024.
I principii è uriintazioni soi t’ani vucazioni, ancu innanzi à a so validazioni difinitiva, à essa rispittati è intigrati in lu quadru di i scelti è uriintazioni missi in anda à nomu di a pulitica di gistimentu lli rumenzuli.
Marti, hè stata ripituta, issa pusizioni, mentri una riunioni ind’iddi c’erani u prifettu, i sirvizia llu statu, u Syvadec, l’Uffiziu di l’Ambienti è a Cullittività.
Ben’intesa, issa pusizioni di principiu llu cunsigliu esecutivu vali pà u centru di trascelta di Monte. U Syvadec hè solu maestru d’opara d’issu prughjettu, à nomu di a so cumpitenza sclusiva par ciò chì tocca à u trattamentu lli rumenzuli ».
