Centre de formation de l'AC Aiacciu : une belle réussite humaine et sportive
Hè una riescita à veru, u centru di furmazioni di l’AC Aiacciu. Sò avali deci anni ch’idd’hè cirtificatu, ed hè duvintatu una riserva di ghjucadori di qualità.
Dopu à a ginirazioni di Andy Delort, Jean-Baptiste Pierazzi o Benjamin André, talenti novi n’hè affaccatu tant’è più : Pape Cissé, Mady Camara, Vincent Marchetti, o ancu i frateddi Matteo è Lisandru Tramoni. È quist’annu dinò sò bunissimi i risultati. A riserva di Naziunali 3 è i U17 Naziunali sò sesti lla so classifica, tremendui. Quissi ani ancu vintu 3 à 1 contru à Montpellier duminica, è par avali, nimu ùn a l’avia fatta. I U19, quarti di u campiunatu Naziunali, sò in lutta pà u titulu contru à Monacu, Montpellier o Saint-Etienne.
I U19 Naziunali ani ancu fattu calchì bedda prova in Gambardella, qualifichendu si à nantu à u tarrenu di Marseglia è contru à Montpellier. Li tocca avali à cunfruntà si à Saint-Etienne, in issa cumpitizioni.
Johan Galtier, l’aducatori in carica di i U19 cù Johan Cavalli, dici ch’issi risultata, hè statu un travaddu à longu andà à fà li fruttà.
Sur le même sujet
