Cas groupés d’infections cutanées bénignes à Vivario : explications de l'ARS
(A redazzioni d'Alta Frequenza) - Dopu à u signalamentu di parechji casi in gruppu d'infezzioni di a pelli scuparti da l'autorità sanitarii regiunali pà ssu mesi d'aostu di u 2015 in u Curtinesi, investigazioni epidemiologichi sò stati ingaghjati. I parsoni cuncirnati t'ani pà unica leia pussibuli di cuntaminazioni ghjoculi d'acqua à partasi di una struttura ingunfiata stallata pà a festa di u 1a d'aostu di u 2015 in Vivariu, struttura chì ùn hè micca a causa di l'infezzioni, ma chì hà custituitu un fattori di trasmissioni più faciuli trà parsoni. Di fattu, quilli chì ani participatu à ssa festa è chì prisintariani segni particulari annant'à a pelli (bucciombuli, brisgioli, impitighjina...) devini chjamà un medicu pà riceva un trattamentu apposta. Dui batterii sò stati identificati, si tratta prima di u Staphylococcus aureus, assai spartu in a natura è chì faci parti di ciò chì si trova inde l'ambienti di manera abituali. Sicondu l'ARS di Corsica "l'infezzioni cù u Staphylococcus aureus sò i più suventi infezzioni annant'à a pelli primitivi. U so carattaru rigulari è a so tindenza à diffusassi sò chjari. Sò rispunsevuli di manera assai scarsa d'infezzioni siveri". L'altru batteriu hè u Streptococcus pyogene, rispunsevuli di parechji infezzioni à spessu micca gravi (infezzioni micca invasivi) angina, impitighjina, poni essa dinò assai siveri (infezzioni invasivi).
