Cancer du sein : seulement une femme sur deux dépistée en Corse
(A redazzioni d'Alta Frequenza) - A Liga contr'à u Cancaru di Corsica Suttana cù par asempiu i cità d'Aiacciu, Purtivechju, Bunifaziu, Prupià è Sartè urganizeghja una marchja pà i donni ssa dumenica à 10 ori. "Marchjemi tutti pà i donni", una manifistazioni chì entri ind'u quadru di u prugramma "Octobre Rose", è chì t'hà com'è scopu di sinsibulizà u più donni pussibuli à a ricerca di u cancaru di u pettu. S'è u numaru di donni tocchi in Corsica hè in prupurzioni appena più bassu di pettu à a media naziunali, c'hè solu una donna annant'à dui oghji annant'à l'isula chì si faci rializà una ricerca di a malatia. Donni chì suventi ùn ani guasgi micca infurmazioni annant'à ssu sughjettu, chì si ponini assai quistioni è chì ci voli à alertà ma rassicurà dinò à tempu.
I pricisioni di u Duttori Marie Dominique Battesti Leca, secretaria generali di a Liga contr'à u Cancaru in Corsica Suttana.
