C'est ce jeudi que débute la campagne de recensement 2017
(A redazzioni d'Alta Frequenza) - Principia ssu ghjovi u censu di a pupulazioni 2017, un'uparazioni di tutti l'anni oramai è chì hà da cuncirnà una bella cinquantina di cumuni nant'à l'isula com'è Aiacciu, Bastia, Purtivechju, Corti o ancu Aleria, pà i più impurtanti. Ùn hè micca una nuvità ma u prucedimentu cresci : ssu censu si farà di più in più nant'à a tela è tutti i parsoni tocchi, aldilà di l'agenti chì facini u censu è chì si prisintarani in ogni casa, si pudarani ghjuvà di ssu vettori quì pà rializà ssu duveri civicu. Un duveri civicu parchì ci voli à ramintà chì u contu pricisu di a pupulazioni di qualsiasi cumuna ditarmineghja à maiò parti u sviluppu di ssa cumuna. Dipendi da ssu sciffru u nivellu di a DGF, a dutazioni glubali di funziunamentu, a dutazioni di u Statu a più impurtanti, è l'inghjochi pà i cumuni sò dunqua di gran'primura.
Vettori di pulemi trà l'urganisimu cinsori è i cumuni duranti un pezzu, i raporti trà i dui parti sò oramai soca nurmalizati, com'ellu a ci dici Alain Tempier, u direttori regiunali di l'INSEE.
Sur le même sujet
