Budget 2015 de la mairie de Bastia adopté : satisfaction de Gilles Simeoni
(A redazzioni d'Alta Frequenza) - Ssu marti, u cunsighju municipali di Bastia t’avia un cartulari impurtantissimu à trattà, quillu di u votu di u bughjettu 2015. È u principiu d’appaciata à a CAB hà datu i so frutti, postu chì u gruppu di François Tatti hè firmatu fideli à u votu di a maghjurità municipali, l’uppusizioni hè stata a sola à vutà contr’à u bughjettu. Quissu quì suvita parechji reguli, vali à dì una prissioni fiscali chì ùn cambia micca, un investimentu mantinutu, una pulitica d’ecunumii missa in ballu è acquisti suciali mantinuti da u parsunali. Una di i pulemichi trà maghjurità è uppusizioni hè stata annant’à a crescita di 1,9 millioni d’auri di i spesi di parsunali. Una crescita chì hè a colpa à l’anziana maghjurità pà 818 000 auri d’appressu à u merri di Bastia, chì hà dinunziatu u fattu ch’elli ùn sighini micca stati presi in contu i ritimi sculari è l’impiegu di diciottu parsoni u 10 di marzu di u 2014, à tredeci ghjorni di u prima ghjiru di l’ultimi municipali, Gilles Simeoni accertendu ch’ellu hà ricivutu una lettara di u prifettu di Corsica Suprana dumandenduli di prununzià l’illegalità di ss’impieghi fatti fora di una chjama à candidaturi.
Steti à senta à Gilles Simeoni, u merri di Bastia.
