Braquage à la joaillerie Vannucci ce lundi à Bastia
(A redazzioni d'Alta Frequenza) - Ssu luni da mani, appena dopu à deci ori è mezu, trè parsoni, pà certi mascarati, ani fattu un arrubecciu armatu in a ghjuvellaria Vannucci nant'à u Viali Paoli in Bastia. Sicondu i primi tistimunianzi, dopu avè minacciatu u parsunali, i malfattori avariani sciappatu tutti i vitrini interiori à mazzulati prima d'arrubanni una parti maiò di u cuntinutu, soprattuttu ghjuvelli è ruloghji, è di scappà ver di u carrughju César Campinchi, tuttu què in trè minuti. S'è i trè membri di u parsunali sò assai tocchi à u nivellu psicologicu, nimu hè statu feritu. Ciò chì hè statu arrubatu ùn hè ancu statu valutatu di manera pricisa, ma u valori sarà assai impurtanti è duvaria essa vicinu à parechji decini di millai d'auri. A pulizza ghjudiziaria è a pulizza scentifica ani principiatu a so inchiesta nentru à una ghjuvellaria chì aprarà torna i so porti solu da quì à parechji ghjorni.
Sur le même sujet
