Bouches de Bonifacio : inquiétudes face à la menace de la pêche industrielle italienne
Ci hè pocu, hè stata fatta un’uparazioni impurtanti pà u mantinimentu lli spezii in a riserva naturali di i bucchi di Bonifaziu.
L’agenti di l’Uffiziu di l’Ambienti, chì gistisci a riserva, sò stati attenti bè : in a nuttata di u 30 d’austu, in cullaburazioni cù i sirvizia llu statu, hè statu fattu u cuntrollu d’una navi taliana, à i cunfini lla riserva naturali.
Issa navi, liata à u portu di Trapani, in Sicilia, ùn era in situazioni di pesca quand’idda hè stata cuntrullata. Ma i so rispunsevuli ani dittu ch’iddi aviani presu in l’acqui taliani – versu a Maddalena – una bedda quantità è variità di spezii.
Ma l’agenti ani rimarcatu ch’idd’ùn ci n’era, à nantu à a navi, tecnulugia AIS da idintificà a so pusizioni pricisa.
Pà issi trè anni, si hè rimarcatu chì i piscadori industriali s’avvicinani sempri di più di a riserva di i Bucchi, circhendu a prufittà di l’effettu lla gistioni lla risorza in issu spaziu prutettu.
Quissa situazioni ùn si pò accittà, è ci voli à veru à suluziunà la, dicini i rispunsevuli lla riserva.
Steti à senta i pricisioni di Jean-Michel Culioli, capisirviziu lli Spazia Prutetti di l’Uffiziu di l’Ambienti lla Corsica.
