Bilan positif pour le SYVADEC en 2013
(A redazzioni d'Alta Frequenza) - U SYVADEC hà urganizatu in principiu di sittimana u so cumitatu sindicali pà fà u bilanciu di l'annu 2013, ed hè assai pusitivu à dilla franca. Pari chì a privenzioni è l'infurmazioni di i pupulazioni avissi viaghjatu bè cù una calata di 12% di a capacità di i rumenzuli trattari da u SYVADEC, chì hè di 166 754 tunnellati, vali à dì una media par abitanti inferiori à a media naziunali. Di fattu, i scopi pà l'annati chì venini ùn sò micca una surpresa, postu ch'ellu si trattarà di cuntinuà è di fà crescia una sinsibulisazioni di a pupulazioni chì hè propiu efficaci, è di migliurà i metudi di cunservazioni pà essa menu penalizatu, à u nivellu finanziariu, da i limiti attuali, inghjinnati soprattuttu da l'insularità.
Steti à senta à François Tatti.
