Bilan financier de la mandature de la ville d’Aiacciu par Laurent Marcangeli
« A vita, ùn hè d’aspittà ch’iddu stanci di piova. A vita, hè imparà à baddà sutt’à l’acqua ». Hè cù issi parolli di Senecca chì Laurent Marcangeli hà prisintatu u bilanciu finanziariu llu so mandatu di merri d’Aiacciu.
Accumpagnatu da u so primu aghjuntu, rispunsevuli lli finanzi, hà dittu chì l’ughjittivi erani stati tinuti, malgradu i difficultà lacati da l’anziana maiurità, è malgradu a calata lli dutazioni longu à u so mandatu.
Laurent Marcangeli hà mintuvatu parichji sciffri, com’è quiddu di u invistimentu : 11 miliona d’auri senza crescia i impositi.
Hà parlatu dinò di i spesi di parsunala, dindu ch’iddu l’era tuccata à rimetta à paru i impiechi amministrativi è tecnichi, cù una rivalurisazioni par ciò chì tocca à l’effittivi.
Infini hà parlatu di l’impresti tossichi, di i scelti di prughjetti, di a sulidarità nicissaria trà i tarritorii lla CAPA, è di i pirspittivi pà l’avvena.
Stemu à senta à Laurent Marcangeli, chì voli metta a cridibilità è a rispunsabilità in cori à a campagna.
Sur le même sujet
