Bilan d'activité et perspectives du CNFPT pour 2013
(A redazzioni d'Alta Frequenza) - U CNFPT, pà quilli chì ùn la sani micca u Centru Naziunali di a Funzioni Publica Tarrituriali, hà fattu cunnoscia issu dopu meziornu (marti) u bilanciu d'attività d'annu fà è hà prisintatu i perspettivi d'azzioni pà u 2013. Un'annata chì cumencia di a più bella manera, parchì pari chì i restrizzioni bughjettarii chì ani cumplicatu parechji affari in u 2012 sighini stati appena arrigulati. Ci voli à sapè chì in u 2012, sò più di 1700 ghjurnati di furmazioni chì sò stati rializati è ani tuccatu più di 4000 agenti tarrituriali. L'ufferta di furmazioni pà u 2013 hè stata prisintata è senza surpresa, hè ind'u settori di i novi tennulugii chì u bisognu di furmazioni si faci senta u più. L'arnesi numerichi rimpiazzani oghji di più in più a carta è i parsunali di i cullettività devini campà cù què, com'è qualsiasi parsoni à spessu : u passaghju pà a furmazioni diventa guasgi un'ubligazioni.
Ecoutez Simon Renucci, président du CNFPT pour la Corse.
Sur le même sujet
