Bastia : une unite médico-judiciaire créée pour mieux prendre en charge les victimes, mais aussi les suspects
Ghjovi, hè stata avviata ufficialmenti l’unità medicoghjudiziaria di Bastia.
Nata da un’allianza trà a pracura è u spidali di Bastia, iss’unità, chì t’hà i so lucala in u Fangu, rimpiazza l’unità didicata à i viulenzi in coppiu o in famidda.
Oramai, in più d’issi missioni nativi, pudarà fà cirtificata d’intarruzzioni di travaddu, cirtificata di morti è ancu autupsii, gramazia à dui medichi ligisti ch’iddu hà ingagiatu u spidali.
Cusì, s’aspittarà menu trà a dumanda d’un’autupsia è a so rialisazioni, ciò chì hè un bè pà a ghjustizia quant’è pà i famiddi.
Pudarani ancu essa fatti chivi i prilivamenti tussiculogichi, chì l’unità t’hà l’abilitazioni pà ugni attu di midicina ligali : l’ublicu lla prisenza d’un medicu curri par 24 ori à ghjornu è setti ghjorna à sittimana, senza cuntà l’ori d’apartura llu centru in sittimana. Ci sarani dinò dui psiculoghi, didicati à a presa in carica lli vittimi. U bughjettu pà st’unità hè di 640 000 €.
Steti à senta u prucuratori lla ripublica di Bastia.
Ancu puri ch’iddi sichini più numarosi i missioni, si tratta in gran’parti di piddà in carica i vittimi lli viulenzi in coppiu o in famidda, liendu à u custatu un accumpagnamentu. Unu spaziu hè didicatu à l’accolta di i ziteddi vittimi di viulenzi, chì sarani visti supr’à locu, è chì pudarani ancu essa intarrugati chivi da un agenti lla pulizza o lla ciandarmaria, in prisenza d’un medicu o d’un psiculogu.
Steti à senta u duttori Hatem Ballé, u dirittori di l’unità medicoghjudiziaria.
