Bastia : un rapport provisoire de la Chambre Régionale des Comptes met à l'index la gestion de la ville entre 2012 et 2020
Un raportu pruvisoriu lla Camara Righjunali lli Conti pudaria fà parlà un pocu, in Bastia. Ci veni spizzicata a gistioni d’Emile Zuccarelli da u 2012 à u 2014, quidda di Gilles Simeoni da u 2014 à u 2015, è quidda di Pierre Savelli da u principiu llu 2016.
In setti anni, trà u 2012 è u 2019, a massa salariali lla mirria hè crisciuta, sinu à tuccà i 6,5 miliona d’auri.
In tiuria, si tratta di 57 impieca in più. In pratica, sò 136 posti (17 à l’annu in media) chì sò stati fatti, postu chì 79 agenti cumunali sò stati trasfiriti à altri bughjetti. Da ghjustificà si, a mirria parla di « dinamichi novi », è dici chì 35 % di a crescita veni da i pulitichi naziunali.
L’agenti non titulari, ch’erani 33 in u 2012, sò oramai 123. A crescita si saria fatta, à creda ni issu raportu, in gran’parti dipoi u 2015.
In tutti l’effettivi, i mancanzi, i vacanzi in più è certi rigimi di travaddu custariani quant’è 71 impichi cumpletti.
Infini, u raportu insigna ch’idd’ùn hè statu tinutu u costu lli travaddi : l’Aldilonda hè custata 4,3 miliona di più, è u cimiteriu di l’Ondina, dipoi l’anziana mandatura, hè beddu grevu in i finanzi, sempri avali.
Sur le même sujet
