Bastia : un homme tué par balles au petit matin
(A ridazzioni d'Alta Frequenza) - Duminica, versu i 7 ori di mani, un omu di trenta cinqui anni hè statu tumbu à cartucciati in Bastia, in una stazioni d’essenza llu Fangu. Chjamati supr’à locu pà un focu in issa stazioni, i succorsi ùn ani pussutu fà nudda da salvà a vittima, tocca da dui baddi. Hè una clienti chì hà trovu a parsona in tarra, in una rimissa lla stazioni. Hà tandu chjamatu u SAMU, à pena dopu à quiddi chì aviani chjamatu pà u focu. À a stessa ora asattamenti, i spinghjifoca sò stati chjamati à nantu à un focu di vittura, una mini cooper ch’hè picciata in tuttu, vicinu à u tabaccu llu quartieri di Sant’Antonu, in l’alti di Bastia. A pulizia ghjudiziaria di Bastia faci a inchiesta
