Bastia : un accueil exceptionnel des enfants dans les écoles pas avant le 18 mai
Pierre Savelli, u merri di Bastia, hà fattu cunnoscia a so dicisioni pà i scoli lla cumuna.
« Stendu à senta a cumunità educativa, si hè pussutu fà u censu di i bisogni di i famiddi è di i mezi umani nicissarii da accodda i ziteddi, rispittendu u quadru datu da u ministeru di l’aducazioni naziunali ». Dici u merri ch’iddu hà intesu « i pinsera di a cumunità educativa è quiddi di i famiddi : i bisogna toccani 300 ziteddi, vali à dì 10 % di l’effittivu lli scoli. Cù iss’effittivu riduttu, si pudariani accodda tutti, issi sculari ».
Dici dinò Pierre Savelli « ch’idd’ùn ci voli à fà troppu in furia mittindu in piazza issu prutucollu dilicatu. Tandu l’apartura di i scoli si farà u 18 di maghju. A sittimana ch’entri sarà cunsacrata à a missa in anda llu prutucollu sanitariu da i sirvizia municipali è insignanti, è à a furmazioni lli parsunala municipali à i misuri sanitarii. In i scoli ind’iddu sarà validatu da u dirittori u prutucollu, i ziteddi sarani accolti. I parenti sarani infurmati da sapè ciò ch’iddu n’hè pà a scola di i so fiddoli.
In i scoli aparti, ci sarà cantina è guardia di i ziteddi in fin’di ghjurnata ».
Sur le même sujet
