Le Direct

Bastia : réouverture de certaines écoles, des médiathèques et du marché des brocanteurs

À pocu à pocu pari, in ugni locu, ch’idda volti a vita à una certa forma di nurmalità.
In Bastia, u marcatu di l’anticaghji è quiddu lla robba ch’ùn si manghja aprini duminica, Piazza San’Niculaiu, rispittendu ben’intesa i misuri sanitarii.
Aprini dinò i mediatechi. Ancu puri s’idd’ùn ci si pò andà dirittamenti, i libra pudarani essa impristati via un biblio-drive, u catalogu issendu statu missu in ligna, da pudè fà risirvazioni cù un mail.
Infini, i scoli materni Desanti, Subissi, Calloni è Venturi riaprarani à parta si da luni. N’hè cusì dinò pà i scoli elementarii Amadei è Defendini, chì s’aghjustani à i stabilimenti aparti dapoi u 18 di maghju. Cusì, 117 ziteddi di più pudarani essa accolti.