Bastia : des restrictions de circulation en raison de la manifestation de ce dimanche
Parvia di a manifistazioni in sustegnu à Yvan Colonna, privista issa duminica à 3 ori in Bastia, sò privisti ristrizzioni lla circulazioni è di staziunamentu, chì sarani pruibiti da 2 ori à 10 ori di sera in issi carrughja :
- U viali Maréchal Sebastiani
- U carrughju Luce de Casabianca
- U carrughju llu cannonicu Colombani
- A via di a Nunziata
- U viali Jean Zuccarelli
In privisioni d’issa manifistazioni, sò difesi, pà i particulari, a vendita, u pussessu, u trasportu è l’usu di fulgari, di bombi à fumu, di murtaghji è foca d’artifizia di catiguria F2 à F4, è d’articuli pirotecnichi di i catigurii T2 è P2.
Issa intardizzioni vali ancu pà l’acuistu, u trasportu è l’usu in via publica, da i particulari, di vasceddi di prudutti chimichi, infiaratoghji o splusivi.
I sindicata studiantini è liceani, i muvimenti naziunalisti è parichji strutturi assuciativi o militanti si sò accolti in Bastia, pà un’altra manifistazioni in sustegnu à Yvan Colonna.
I manifistanti dumandani ghjustizia è virità pà Yvan, a libarazioni lli prighjuneri pulitichi corsi è un rigulamentu puliticu lla quistioni corsa.
Sò aghjà numarosi i parsoni supr’à locu.