Bastia : conseil municipal marqué par les tensions entre majorité et opposition
Marti, si hè riunitu u cunsigliu municipali di Bastia, da eleghja i so riprisintenti in li varii cumissioni è urganismi ind’idd’hè riprisintata a cità.
Par certi cumissioni, parvia di u numaru o di l’ublicu, sò stati presi membri di u gruppu d’uppusizioni « Unione per Bastia », è un pocu menu quiddi di « Un futur pour Bastia ».
Ma pà u restu, Pierre Savelli hà sceltu d’ùn dà li riprisintazioni, à l’uppusizioni.
Cusì, n’hè pà l’emblematica SEM Bastia Aménagement. In u 2014, inveci, Gilles Simeoni li ci avia lacatu un postu, à i so uppunenti. Senza tantu ghjustificà si, Pierre Savelli hà fattu a scelta cuntraria.
In principiu di riunioni, l’uppusizioni avia tinutu à rimpruvarà i frisci è inghjulii contru ad idda, mentri a stallazioni di u cunsigliu municipali è di u cunsigliu cumunitariu, calchì ghjornu fà.
Cù issi scelti chivi, cresci una collara muta in u gruppu « Unione per Bastia ».
Steti à senta à Jean-Sébastien de Casalta è à Jean-Martin Mondoloni.
U merri iddu, ghjustifichighja a so scelta spiichendu u pocu ch’idda hà purtatu l’uppusizioni in st’urganismi, mentri l’ultimu mandatu.
Steti à senta à Pierre Savelli, u merri di Bastia.
