Bastia : bilan positif pour le contrat de ville malgré la crise
In fin’di sittimana passata, ci hè statu u cumitatu dirittivu di u cuntrattu di cità di l’agglumirazioni bastiaccia, è ci si hè fattu u puntu di l’azzioni finanzati in u 2020.
Sò 106 iss’azzioni, è trè à nantu à quattru sò in raportu cù a cuisioni suciali.
I suvvinzioni da fà li ani toccu i 921 000€. A mità di quissi venini da u statu, a cità di Bastia hà missu 307 000€ è a Cumunità d’Agglumirazioni di Bastia hà missu 151 000€.
Ben’ch’idda ci sichi a crisa llu Covid 19, è cù calchì adattazioni, iss’azzioni si sò pussuti fà.
Steti à senta à François Ravier, u prifettu llu Cismonti.
Trà l’azzioni purtati da issu cuntrattu di cità, ci si trova l’accumpagnamentu lli famiddi in difficultà, a mediazioni numerica o ancu u sustegnu scularu.
In a situazioni d’oghji, ùn si pò chè rinfurzà a lutta contru à a pricarità pà u cuntrattu llu 2021, è quissa a dicini tutti quiddi chì sò impignati in iss’andatura. Una chjama à prughjetti hè aparta sinu à u 15 di ghjinnaghju.
Steti à senta à Pierre Savelli, u merri di Bastia.
Sur le même sujet
