Bastia : A Festa di a Lingua décline son programme
Da u 29 di nuvembri à u 11 di dicembri, hà da essa bedda unurata a Festa di a Lingua in Bastia.
In prima si farà a Sant’Andria, cù un’avvinta da porta à porta da accodda doni pà l’associ caritativi bastiacci. Trà evenimenti, pruduzzioni culturali è attelli, iss’avvinta hà da curra par dui sittimani.
U deci di dicembri, à u stadiu Armand Cesari, a Liga Corsa di Ballonu è u SC Bastia ani da urganizà una ghjustra di ghjovani è fà viaghjà attelli d’imparera di u corsu.
Hè da nutà chì toccu ghjinnaghju, i ghjucadori è a squadra tecnica di u Sporting ani da avè lizioni di corsu.
L’ottu di dicembri, pà a Festa di a Nazioni, Doria Ousset cantarà à u teatru, in cumpagnia d’artisti baschi.
L’undici di dicembri hà da essa inaugurata a Casa di i Lingui, in u quartieri Sant’Anghjulu. Hè quissu un prughjettu anzianu dighjà, ch’idda hà cuncritizatu a municipalità bastiaccia.
Steti à senta à Lisandru de Zerbiu, l’aghjuntu à u merri di Bastia incaricatu di a lingua corsa.