Bases militaires en Corse : Corsica Libera demande des comptes
Ghjovi o vennari, Josepha Giacometti duvaria prupona una muzioni à l’assemblea lla Corsica, par ch’iddu sichi valutatu u costu lli basi militari in Corsica.
A cunsigliera Corsica Libara vurria chì l’esecutivu avvii unu studiu scintificu indipindenti, da cunnoscia u costu ecunomicu, sanitariu è ambiintali d’issi strutturi.
Vurria ch’issa dimarchja di valutazioni posca idintificà u valori d’issi siti militari in termini d’attivi ecunomichi, è i rivinuti prudutti da a lucazioni d’iss’infrastrutturi militari (si parla chivi più pricisamenti di a basa 126 OTAN di Vintisari è Sulinzara.
Josepha Giacometti ni chjama ancu à a prisidenti di l’assemblea corsa, ch’idda riunisca u cunsigliu pirmanenti corsu-sardu, da ch’iddi si poschini sparta è suvità i dimarchji avviati da a Cullittività di Corsica è a Righjoni Autunuma Sarda.
Issu sughjettu puliticu, n’avia aghjà parlatu Corsica Libara, è avia ancu fattu un’azzioni in u filu d’issi dumandi.
Chì dumanda, d’altrondi, u muvimentu ? Chì cambiamenti ?
Steti à senta a risposta di Petr’Antonu Tomasi.
