Banderole de Furiani : la condamnation de Gilles Simeoni
(A redazzioni d'Alta Frequenza) - Dopu chì i sustenidori di u SC Bastia avissini mustratu un striscionu in Furiani ssu sabbatu contr'à a ghjurnalista di Corse Matin Hélène Romani, u merri di Bastia Gilles Simeoni hà publicatu un cumunicatu di cundannza. Ecculu :
"L'inghjustizii ripituti contr'à u Sporting, i so sustenidori, o l'ambienti di u club ùn poni micca ghjustificà ciò chì ùn pò essa ghjustificatu. Di fattu, u striscionu stesu à u stadiu duranti a partita trà Bastia è Lens contr'à Hélène Romani hè lamentevuli. Tuttu ognunu t'hà u dirittu di criticà un articulu di stampa, di stimallu inghjustu è senza fundamentu, è di spiegà parchì. Ùn si pò micca avè quillu di scriva ciò chì hè statu vistu à u stadiu sabbatu. Prima parchì u parallelu chì hè statu fattu cù mumenti neri di a Storia hè indecenti. Dopu parchì a libertà di a stampa è a libertà di sprissioni sò libertà fundamintali.
Infini parchì insultà di manera publica una donna hè propiu un scandalu, soprattuttu in una sucità isulana induva i famighji è i chjerchji di sulidarità sò propiu liati. Ci duvemi dunqua impignà di manera cullittiva pà vultanni à rilazioni appaciati, custuiti annant'à a tulerenza è u rispettu. U rispettu è a tulerenza devenu esse puntelli maestri di a nostra sucetà!"
Sur le même sujet
