Bac 2015 : les sujets de philosophie
(A redazzioni d'Alta Frequenza) - U bascigliè 2015 hè dunqua lanciatu, cù ssu marcuri da mani a famosa prova di filusufia. L'elevi di terminali di i serii generali t'aviani a pussibilità di sceglia trà dui sughjetti di dissertazioni è una speciazioni di testu. In Litterariu, induva u cuefficenti hè u più altu (7), eccu i sughjetti : rispittà qualsiasi essari vivu hè un duveri murali ? Socu ciò chì u me passatu hà fattu di mè ? È una spiecazioni di testu di Tocqueville, strattu di De la démocratie en Amérique. In seria Ecunomicu è Suciali (cuefficenti 4) : a cuscenza di a parsona hè solu u rispechju di a so sucità ? L'artistu dà calcosa à capiscia ? Eppo una spiecazioni di testu di Spinoza, strattu di u Traité théologico-politique. Infini ind'è i Scentifichi (cuefficenti 3) : a pulitica si franca di l'esigenza di verità ? Un'opara d'arti t'hà sempri un sensu ? O una spiecazioni di testu di Ciceroni, strattu di De la divination. Seguita di i provi dumani, cù a Storia è a Geugrafia.
Sur le même sujet
