Avis de vigilance niveau jaune pour du vent fort prévu sur la Corse
(A redazzioni d'Alta Frequenza) - Vigilenza gialla pà u ventu forti privistu in Corsica. Ss'episodiu chì cuncerna dinò un risicu di marosulu è summersioni hà da tuccà l'isula fin'è dumani (marcuri) à 3 ori di mani. In Corsica Suprana, i lochi i più sposti sò u Capicorsu, a Balagna, u Nebbiu, i lochi bastiacci, u meziornu livanti di l'isula è in muntagna. I buffulati ani da essa trà 80 è 100 chilometri par ora in certi lochi, o ancu 120 duranti a ghjurnata. Ind'a sirata è duranti a notti, sarani pà certi lochi trà 110 è 140 chilometri par ora. Duranti u dopu meziornu, duvaria inghjinnà marosuli assai forti di settori punenti ind'a parti uccidintali di a Corsica, cù un risicu di summersioni annant'à i parti bassi o debbuli. A vigilenza a più maiò hè racumandata.
Sur le même sujet
