Le Direct

Augmentation du fléau de la drogue : Corsica Libera appelle à la responsabilité de chacun

(A redazzioni d'Alta Frequenza) - Cunfarenza di stampa ssu ghjovi da mani davanti u retturatu in Aiacciu di Corsica Libera. U muvimentu vulia dinunzià, ed hè unu di i so cartulari maestri dipoi un pezzu, l'impurtanza di u trafficu di droga nant'à l'isula, ma dinò a so cunsumazioni chì inchieta assai in a sucità isulana. Pà Corsica Libera, i quantità di droghi presi da a pulizza ss'ultimi anni "dimostrani un cambiamentu di nivellu pà strutturà è stallà un marcatu di a droga" in Corsica, inghjinnendu "cunsiquenzi suciali è ecunomichi catastrofichi". U muvimentu puliticu chjama à a rispunsabilità di tutti i naziunalisti, pà pudè prisintà pruposti cuncreti in materia di privenzioni ma dinò d'educazioni à prò di a ghjuventù corsa à fiancu à sfarenti attori di a sucità isulana. Corsica Libera metti dinò a pulizza è a ghjustizia davanti i so rispunsabilità da fà ch'elli fessini più cà mai u so travaghju.

Steti à senta à Francescu Santoni pà Corsica Libera.