Attroupements devant les ventes de boissons à emporter de certains bars : la réponse du préfet de Haute-Corse
In principiu di sittimana, in Bastia, ci hè stata una bedda mubilisazioni, da cuntistà a chjuditura amministrativa d’una brassaria, parvia di i troppi parsoni accolti davanti, mentri ch’iddu ci si vindia robba à purtà si.
Dopu ch’idd’achi discorsu François Ravier, u prifettu llu Cismonti, cù i girenti llu stabilimentu, hè stata suspesa a chjuditura, privista à l’urigina pà una sittimana.
À senta ni u prifettu, i girenti erani sinceri in quant’à u mantinimentu lli gesti lla sicurità sanitaria, è a limita trà a stesa lla tarrazza è a via publica ùn hè asatta à difinì. Hè par quissa ch’idd’hè stata suspesa a dicisioni di chjuda.
Ricunnosci u prifettu ch’idd’ùn hè cusì asattu, pà un caffittaghju, d’essa attenti sempri à iss’accolti di parsoni. À senta lu, tocca à i clienti à mova si ni, à tempu compra a so robba.
In Cismonti, dipoi marzu, sò 24 i stabilimenti di risturazioni o i caffè tocchi da chjudituri amministrativi, par ùn avè rispittatu i normi privisti par luttà contru à u Covid 19.
Steti à senta à François Ravier.