Le Direct

Attentat d'Ajaccio : réaction et précisions du préfet de Corse

(A redazzioni d'Alta Frequenza) - Dopu à l'attentatu à a carica splusiva chì hè accadutu stamani (dumenica) in Aiacciu (Corsica Suttana), chì hà feritu di modu gravi un omu di una sissantina d'anni, carrughju Maréchal Ornano (veda più in là), u prifetttu di Corsica hà vulsutu arricà pricisioni. U più altu raprisintanti di u Statu nant'à l'isula, chì cundanna cù forza iss'attentatu, dici chì "ancu puru s'è u locu di a splusioni hè lucalizatu vicinu à u cumissariatu di pulizza è à a prifettura di Corsica, nisun elementu di l'inchiesta in corsu parmetti di dì chì issi lochi publichi duviani essa tocchi". Sicondu i primi elementi di l'inchiesta, ùn ci saria micca leia cù a prova d'attentatu di dumenica scorsa contr'à a sottu prifettura di Corti ; u prucuratori di a Republica ritinaria par avà a virsioni di un affari d'ordini privatu. Nisun via hè schisata malgradu tuttu ; u ministeru publicu d'Aiacciu si duvaria prununzià da quì à pocu nant'à l'avanzata di l'inchiesta.

Ecoutez le préfet de Corse, Patrick Strzoda.